Ti khikhi no aküvu tsu ani keno shukuthu pithiqhi keu ghi pulu ani ke.
Timi kümtsu pututa makho eno pututa küxü kimiji anie. Timi kümtsu pututaw kuchou kümlapu saje kiu keno pekupulu
masae. Milakhi küxü no timi kütami lakhi küxü kili vemla momu timi lakhi küxü hipau
ye itaghi akiniu xü kide mulaie, kughengu timi kümtsu pututa kümlapu saje ye kütuta
ke eno tipau shi kupuluni keu ghi aghola eno alaghi kütuta ke.
Küghono ninguno ayeghi lo aküxü
hipau kimiji kuchou cheju eno kümsu thonei ju ghi xü ni keno ti no aküxü xü pivi lu
akeu kuchou ke.
Ningu küxü lo sholu chekeu eno
ninguno kiu toi khochile cheni keno ti kuma dolo kumüsuktoju lu kepu do anie.
Eno ado hipau lo ningu ye kiu toi aküxü no saghi tsu akeu akivi momu akusa
suchedoqo kiu toi khochile kepu keno aküka
ninguw lo anie. Ike ninguw khokichile kiqhi lono ninguno thuwu lu kepu eno
ningu tsughape akeu lono khaqhiphe lu kepu ithulu nani.
Ningu ye aküxü vilo aküxü kimiji ye kiu kea ipi iniju akepu do kumo vae ikemu ninguno kumsulu masa keu ye aküxü no ningu vilo tsala kipe tsü asüche do kumtsulo hipau iniju ani ke ipi ithi masai. Ninguw khokichile ye asta eno akükümsu likhi no kumoe ikemu achipiu kumla eno achipiu ghushoghili no ke. Aküxü kimiji kiqhi kuchou ye bemakho ikhilu no aküxü hipau wu aküküpuna eno aghime jeliqo kiu toi puqhe lu masa keno kuchou khokichile phuni keu ke eno pututa no pututa kumlapu saje shikupulu ani keu ke.
No comments:
Post a Comment